Мікалай Васілевіч Драздоў

Мікалай Васілевіч Драздоў
Мікалай Васілевіч Драздоў
Дата нараджэння	18 лістапада 1913
Месца нараджэння	Кастрама, Кастрамская губерня, Расійская імперыя;
Дата смерці	14 сакавіка 2006 (92 гады)
Месца смерці	Мінск, Беларусь;
Грамадзянства	Беларусь;
Альма-матар	Ленінградскі інстытут жывапісу, скульптуры і архітэктуры (1939);
Месца працы	Белдзяржпраект;
Член у	Саюз архітэктараў СССР; Беларускі саюз архітэктараў;

Мікалай Васілевіч Драздоў (18 лістапада 1913, Кастрама — 14 сакавіка 2006, Мінск) — беларускі архітэктар.

Біяграфія

Скончыў Інстытут жывапісу, скульптуры і архітэктуры ў Ленінградзе ў 1939 годзе. Удзельнік Вялікай Айчыннай вайны. З 1946 па 1973 г. працаваў архітэктарам, галоўным архітэктарам праектаў у Белдзяржпраекце^[1].

Асноўныя працы: кінатэатр «Радзіма», клуб УПК «Спартак»^[2], жылыя дамы ў пасёлку аўтазавода (1948—1950), па вул. Леніна (1952), Ленінскім праспекце (1960), Дом палітасветы па вул. Я. Купалы (1956)^[1], праект панарамнага кінатэатра на 2420 месцаў на рагу вуліц Я. Купалы і Куйбышава^[2]^[3] у Мінску, зала-манеж у спартлагеры «Стайкі» пад Мінскам (1968), жылы дом на Прывакзальнай плошчы ў Гродне (1967), пансіянат «Атоліна» ў Мінскай (1968), дом адпачынку «Хваёвы бор» у Брэсцкай (1970) абласцях^[1], будынак сельскагаспадарчай акадэміі ў г. Горкі Магілёўскай вобласці^[2].

Дакументы творчай дзейнасці (фотаздымкі будынкаў, праекты), малюнкі і фотаздымкі сяброў захоўваюцца ў БДАНТД, куды перададзены асабіста^[4].

Узнагароджаны медалямі^[1].

Дроздов Николай Васильевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)